Рускиот лек за третман на ХИВ може да се регистрира за 5-10 години

Лабораториско испитување.

Лабораториско испитување.

PhotoXPress
Според вишиот научен соработник на Централниот научноистражувачки институт за епидемиологија на „Роспотребндзор“ Дина Глазкова, „Динавир“ веќе има докажано дека е безбеден за клетки во епрувета.

Развојот на рускиот генетско-терапевтски лек „Денавир“ за третман на ХИВ е во фаза на претклинички испитувања, лекот ја покажа својата ефикасност врз клетки. Претклиничките тестирања на животни, клиничките испитувања и регистрацијата на препаратот можат да потраат до 10 години, раскажа во интервјуто за ТАСС вишиот научен соработник на Централниот научноистражувачки институт за епидемиологија на „Роспотребндзор“ Дина Глазкова.

„Тоа нема да биде следната година, тоа е за пет години според оптимистичките прогнози. Во просек поминуваат 10 години“, изјави таа.

Глазкова потсети дека регистрација на препаратот се прави по клиничките испитувања. „Повторно, клиничките испитувања се пари, производството на лекот, исто така, е пари“, додава научникот.

„Динавир“ докажа дека е безбеден за клетки во епрувета. Следната фаза на претклиничките испитувања е докажување на ефикасноста и безбедноста на лековите врз модели на животни. Првата фаза на клиничките испитувања, кога се испитува безбедноста за пациентите, може да потрае не помалку од една година.

„Две или три години ќе одземе втората фаза, и сѐ уште не е јасно колку ќе бараат од нас. Првата фаза - безбедноста - има многу малку пациенти, пет, десет. Втората е кога треба да покажеме на овие пет-десет дека лекот работи, и дека на нив добро дејствувал. Третата фаза е кога ќе треба да собереме многу пациенти и да покажеме дека не е случајно што петмина се излечиле, туку дека тоа навистина во поголем дел функционира“, објаснува Глазкова. 

Генетско-терапевтскиот препрат за третман на ХИВ го развива тим од научници на Централниот научноистражувачки институт за епидемиологија на „Роспотребндзор“.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња