Русија прва во трката за развој на хиперсонично оружје

Скриншот
Рускиот претседател Владимир Путин изјави дека водството на Русија на полето на развој на хиперсонично оружје е „очигледен факт“.

Русија, за разлика од другите земји, поседува во својот арсенал хиперсонични ракетни системи, изјави рускиот претседател Владимир Путин на годишното заседание на дебатниот клуб „Валдај“.

„Тоа е очигледен факт, експертите го сфаќаат тоа и се свесни дека ние без какво било сомневање ги претегнавме сите наши, така да речам, партнери и конкуренти во таа сфера. Засега никој друг не поседува високопрецизно хиперсонично оружје. Одделни земји планираат да го тестираат за година и пол или две, а ние веќе го имаме во арсеналот. Тоа е високотехнолошко современо оружје и во таа смисла чувствуваме дека сме потполно безбедни“, рече рускиот претседател.

Претходно Путин соопшти дека руската армија во текот на наредните месеци ќе го добие системот „Авангард“.

Претседателот на Русија за новите видови хиперсонично оружје зборуваше во своето обраќање до Федералното собрание во март оваа година.

Тогаш рускиот лидер ѝ ги презентираше на јавноста системите „Кинжал“, „Авангард“, „Буревесник“, борбениот ласер „Пересвет“ и подморницата без екипаж на нуклеарен погон.

Прочитајте повеќе: Путин: Русија наредниве месеци ќе го воведе во вооружување ракетниот систем „Авангард“!

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња