Првиот „Шкорпион“ во руската армија: Што е познато за новото инженерско возило?

Виталиј В. Кузмин
Новиот ѕвер од 55 тони опремен со најголемиот митралез во Русија ќе биде главното средство за пробивање на противничките положби и за чистење на минските полиња.

На почетокот на септември руските конструктори го претставија новото универзално оклопно возило на инженерството (УБИМ) кое домашните медиуми веднаш го нарекоа „борбен шкорпион“ поради неговиот агресивен изглед и „боцката“ со која го пробива патот низ урнатините.

Возилото го направо „Уралвагонзавод“ (УВЗ) – монопол на рускиот пазар на тешки оклопни возила – кој исто така го направи и новиот тенк Т-14 „Армата“.

„Шкорпионот“ е спој на функции на три различни вида инженерски возила: ремонтно-спасувачко, оние за расчистување патишта пред колоните оклопна техника и на оние за чистење на минските полиња.

Притоа една од клучните карактеристики на „шкорпион“ е тоа што за разлика од своите претходни, во состојба се да „работат“, односно да чистат урнатини и мини и под непријателски оган, па дури и во радиоактивни зони, како што тврди производителот.

За ова возило не се пречки ниту камените, ниту дрвените барикади, благодарение на моторот од 1.130 коњски сили и големиот „нож“ со широчина од 4.5 метри на носот од возилото со кој се растураат речиси сите препреки на патот.

Опремата на носот на возилото може да се замени и со хидрауличен чекан кој може да столчи дури и монолитни бетонски блокови. А, благодарение на својата „боцка“ која е всушност багер-хидраулична рака со клешти на својот крај, може да се расчистат какви било урнатини, па дури и да се спасуваат луѓе во зоните на непогоди.

„Во борба возилото може самостојно да совладува мински полиња со експлозивни направи со магнетен принцип на активирање. УБИМ може да сече дрвја и да корне трупци кога ги поставува патеките за борбената техника низ грмушки, мали шуми и другу непристапни терени“, вели за Russia Beyond-Македонија официјален претставник на „Уралвагонзавод“.

Особено назима ова возило станува неизоставно парче техника за ослободување патеки зашто е во состојба да направи пат низ снег со длабочина од еден и пол метар.

Благодарение на зајакнатиот оклоп и на инженерската опрема, возилото има маса како вистински тенк – 55 тони. Но, креаторите велат дека ова е предност при инженерските работи.

Покрај сето останато, производителите имале на ум дека возилото ќе мора да работи под непријателски оган и да чисти мински полиња во воени зони во кои се следи секој чекор. Така дел од електронската опрема на машината и радиопредавателот кој може да функционира во режим на „маскирање“ и да даде комуникација со базата или со пунктот за поддршка на оддалеченост до 20 километри.

За случаите на директен конфликт со противникот тука е тешкиот митралез со калибар од 12.7 милиметри. Станува збор за калибар кој е толку голем што секој негов куршум минува низ зграда како нож низ путер. Митралезот на „шкорпион“ се контролира далечински – екипажот седи во оклопната капсула на возилото, дејствува и гледа сѐ што се случува околу нив во реално време преку компјутерски екран.

Митралезот има модерни нишански уреди, вклучувајќи телевизиски и топлински канали, како и ласерски далномер. На тој начин ниту ноќта, ниту обилните дождови не можат да бидат пречка за екипажот – тој ќе го види непријателот совршено јасно во кои било услови на оддалеченост од пет километри.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња