Тактичките јуришници и ударните хеликоптери повеќе нема да бидат ранливи на ПА ракети

Константин Лејфер/TASS
Сите руски воздухопловни летала наскоро ќе го добијат интегрираниот систем за заштита „Президент-С“. Овој систем е посебно ефикасен против лесни преносни системи кои се истрелуваат од рамо, како што се „Стингер“, „Игла“ итн.

Сите воздухопловни борбени апарати кои се наоѓаат во состав на руската армија во најскоро време ќе бидат посилни со одбранбениот систем „Президент-С“, изјави за Интерфакс заменик-генералниот директор на концернот „Радиоелектронски технологии“ (КРЭТ) Владимир Михеев.

„Новите авиони во целост се опремени со нови системи за заштита, но има и малку постари модели кои не поседуваат такви средства. Нашата цел е во наредниот многу близок период на сите оперативни борбени летала да го завршиме циклусот на имплементација на ефикасни системи за заштита и на тој начин 100% да ги обезбедиме сите наши воздухоплови“, истакна Михеев.

Според него, во наредниот период концернот „Радиоелектронски технологии“ очекува потпишување на нови извозни договори за испорака на комплексот за заштита „Президент-С“. За негова набавка се заинтересирани партнерски земји од Северна Африка, Блискиот Исток и Југоисточна Азија. Неодамна руските медиуми објавија информација дека со Египет е потпишан договор за испорака на оваа држава на системи за заштита на авиони „Президент-С“.

Одбранбениот комплекс „Президент-С“  е развиен од инженери на концернот „Радиоелектронски технологии“. Во негов состав се наоѓаат уреди кои работат во синергија и кои детектираат ласерско озрачување, потоа лансирање на непријателска ракета со ултравиолетов сензор, станица за оптоелектронско попречување и систем за исфрлање на лажни топлотни мамки. Според производителот, „Президент-С“ е посебно ефикасен во попречување на ракети кои се истрелуваат од лесни преносни системи.

Прочитајте повеќе: Да се заслепи и поништи: Топ 5 руски системи за радиоелектронска борба

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња