Најновиот противвоздушен систем „Сосна“ наскоро пристигнува во руската војска

Скриншот

Најновиот противвоздушен ракетен систем „Сосна“ ќе влезе во оперативна употреба во најскоро време, изјави директорот на „Конструкторското биро за прецизна механика „Нуделман“ Валериј Макеев.

На штотуку отворената меѓународна воено-техничка изложба „Армија-2018“ во Подмосковје првпат беше прикажан системот „Сосна“. Монтиран е на шасијата на гасеничниот оклопен транспортер МТ-ЛБ.

Во овој момент во тек се подготовки за почеток на сериското производство на овој ПВО-систем, истакна Макеев. Главниот конструктор Владимир Уклеев напомена дека системот „Сосна“ може да се користи во секоја доба на денот и сите метеоролошки услови, стациониран и во движење. Системот е направен според модуларен принцип.

„Сосна“ може да се постави и на гасенична и на шасија со тркала со носивост од 3,5 тони. Гаѓањето во движење се врши при брзина од 25 до 30 км/ч, рече конструкторот, истакнувајќи дека целата оптика е реализирана од домашни компоненти.

Автоматизираниот противвоздушен систем „Сосна“ е наменет за заштита на воените единици во сите аспекти на борба, вклучувајќи и марш, од средства за воздушен напад и извидување. Подеднакво е ефикасен во сите периоди на денот, во услови на ограничена видливост и евентуално присуство на природно и вештачко попречување. Благодарение на примената на автоматскиот високопрецизен оптоелектронски систем е обезбедена незабележливост и автоматизација на работата. Откривањето на целите може да биде автономно, со помош на оптоелектронскиот систем и во режим на надворешно маркирање. Гаѓа цели на растојание до 10 километри во далечина и 5 километри во висина. Екипажот го сочинуваат два члена. Вооружен е со 12 наведувани ракети „Сосна-Р“.

Прочитајте повеќе: Модернизираните противвоздушни топовско-ракетни системи „Панцир“ ќе бидат тестирани следната година

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња