Не пропуштајте!
Придружете се на Russia Beyond на Телеграм за повеќе есклузивни содржини
На почетокот на август руската војска тестираше нови ракети за својот копнен оперативно-тактички балистички систем со краток дострел „Искандер-М”.
Се работи за ракетите Р-500 „Калибар”, копнена верзија на противбродската ракета, која првпат е употребена кон крајот на 2015 година за уништување на терористи на тнр. Исламска држава во Сирија. Копнената верзија е посебно креирана и интегрирана во системите „Искандер-М” и може да разнесе цели на оддалеченост до 500 километри.
Противбродските ракети Р-500 „Калибар” се прилагодени за гаѓање на разурнувачи од втора и трета класа. Тоа се бродови кои можат да носат ракети „Томахавк” и компоненти на американскиот балистички одбранбен систем „Иџис“ (Aegis). Бродовите од оваа класа (освен крстосувачите од типот на „Тикондерога”) се главните лансирни платформи за изведување на стратегијата на молневит глобален удар, што претставува еден од елементите на кои инсистира Војската на САД.
Новите руски противбродски ракети гаѓаат цели на оддалеченост до 500 километри и летаат со брзина од 2000 км/ч.
Летаат над површината на водата, на висина од само пет до десет метри, што значи дека е практично невозможно да бидат пресретнати со кој било тип систем за противракетна одбрана на море.
Ракетата може да носи боева глава од 200-500 кг. Полесните обично се користат за разурнувачи, додека потешките се предвидени за крстосувачи.
Според воениот аналитичар на агенцијата ТАСС Виктор Литовкин, ова оружје ќе го добијат воените бази во Калининградската област, на Крим и на Далечниот Исток на Русија. Тоа би требало да служи како средство за одвраќање на непријателските бродови кои потенцијално би влегле во руски води.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче