Фотогалерија од парадата на новите борбени пловила одржана на Денот на Воената морнарица на Русија

1. Поморската воена парада е еден од најубавите и највпечатливи настани во Санкт Петербург – „северната престолнина“ на Русија – и другите крајбрежни градови.

2. Граѓаните на Русија заедно со странските гости на 29 јули имаа можност да ги видат големите воени бродови како „танцуваат на вода“ и да го слушнат грмежот на топовите стари два века кои истрелуваат плотуни над морињата ширум Русија.

3. Најмногу бродови имаше на парадата во Санкт Петербург.

4. Во 10 часот наутро градот го разбуди бучавата од бродови, авиони и хеликоптери проследени со плотуни од топовите во Петропавловската крепост и илјадниците морнари кои во снежнобела униформа маршираа по должината на брегот.

5. На парадата во Санкт Петербург учествуваа преку 40 бродови, 38 воени авиони и хеликоптери и 4000 војници.

6. Насобраниот народ имаше можност да ги види најголемите и најмоќни морски „чудовишта“ на Северната флота како и новите бродови на руската Воена морнарица – фрегатата „Адмирал Горшков“, новиот десантен брод „Иван Грен“ и корветата од класата Каракурт „Ураган“.

7. Бродовите пловеа во колона со брзина од 9 јазли (околу 17 километри на час).

8. Претходните години сите бродови и подморници стоеја долж брегот, така што присутните можеа да ги видат само во состојба на мирување.