Во Јемен советскиот „Комарец“ стана ноќна мора за „Апачите“ и Ф-16

Скриншот

Во Јемен се појави необичен уред за лансирање на противвоздушни ракети со топлотна глава за самонаведување Р-60 поставен на пикап „Тојота“.

Оваа ракета „воздух-воздух“ можеа да ја користат јеменските авиони Миг-21, Миг-29 и Су-22. По практичното уништување на воздухопловната флота на таа земја од страна на силите на коалицијата на чие чело е Саудиска Арабија, заостанатото оружје почнаа да го користат за противвоздушна одбрана Хутите.

На југот на Арапскиот полуостров во повеќе наврати се употребувани, и тоа успешно, импровизирани противвоздушни системи, но со поголеми ракети Р-27Т. За нивно наведување се користени станици со термовизиски канали – опрема демонтирана од американските хеликоптери UH-1H кои беа купувани пред почетокот на војната.

На импровизираниот систем со ракети Р-60 е користен поедноставен нишански уред, па поради тоа неговата борбена примена беше можна само дење.

Ракетата со инфрацрвена боева глава за самонаведување „Комар“ (Комарец) од тој тип е тешка околу 43,5 килограми. Тежината на боевата глава достигнува три килограми. Должината ѝ е преку два метри. Дострелот на мали висини ѝ е до 1,5 километри. Брзината на ракетата 2,5-3 М.

Претходно веќе имаше обиди за лансирање на ракета Р-60 од земја. Така во поранешна Југославија беше создаден влечниот ПВО систем „Чатал“. Подоцна во Србија се појави самоодна варијанта со доработени ракети. Како база е користен чешкиот зенитен самооден систем калибар 30 мм од типот „Прага“ M53/59 Jesterka, а системот, всушност, не влезе во вооружувањето, пишува „Росијскаја газета“

Прочитајте повеќе: Каков монструм направија Сиријците од руски тенк

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња