Руските ракетни системи „Бук” го чуваат небото на уште една земја

Виталиј В. Кузмин
На неодамна одржаните масовни маневри на Вооружените сили на Алжир беа користени и противвоздушните ракетни системи „Бук-М2 Э” од руско производство. Припадниците на противвоздушната одбрана успешно ги уништија откриените мети кои симулираа средства за воздушен напад.

Овие маневри беа првата јавна демонстрација на овие системи на полигоните за обука. „Бук-М2Э”, судејќи според искуството од борбените дејствија во Сирија, е многу ефикасно орудие, каде прикажа исклучително висок процент на пресретнување (преку 80%) на најсовремени крстосувачки ракети лансирани од поморски и воздухопловни борбени платформи. Кога се работи за авиони, тие можат да ги соборат на далечина од 45 километри и на висини до 25 километри со сигурност до 95%.

Овие противвоздушни ракетни системи се поставени на гасенична шасија ГМ-569  или на шасија на тркала произведена во Минскиот машински завод. Јарославскиот дизел-мотор со турбо-полнач со сила од 420 коњски сили му овозможува на системот да развие брзина до 80 километри на час. Возилото користи хидромеханичка трансмисија.

Системот со полн резервоар може да помине до 1000 километри. Има  хидропневматски систем за потпирање. Тежи 22 тона. Може да носи 12 тони терети. Шасијата без проблем се користи на температури поголеми од 50 степени Целзиусови.

Според мислењето на воените експерти, противвоздушните ракетни системи од овој модел се сѐ повеќе популарни на меѓународниот пазар на оружје и постои голема веројатност дека „Бук“ ќе го набават и други земји кои сакаат да го заштитат својот воздушен простор.

Прочитајте повеќе: „Хеликоптери на Русија“ добија од Индија понуда за набавка на 200 хеликоптери Ка-226Т

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња