Видео: Рускиот тенк Т-90М добива клима уред

Првиот руски тенк кој ќе добие клима уред ќе биде Т-90М, соопшти службата за односи со јавноста на „Уралвагонзавод“, компанијата која ги произведува овие тенкови, со напомена дека уредите се веќе вброени во задолжителната опрема на машините.

Претставниците на руската војска досега не бараа да се вградува клима во машините, сметајќи го тоа за прекумерен луксуз, иако „Уралвагонзавод“ вградуваше такви системи во тенковите наменети за извоз во Алжир и Ирак. Клима уредот КТЭ-ВТ сега станува дел од редовната опрема и на рускиот тенк Т-90М.

КТЭ-ВТ е термоелектричен клима уред. Базиран е на таканаречениот Пелтиев ефект. Со минувањето на струјата низ спојот од два различни полупроводници едниоот се загрева, а другиот се лади. Клима уредот ќе го сочинуваат два блока кои ќе можат независно да се вклучуваат и да го насочуваат движењето на ладниот воздух. Таквите системи се применуваат во производството на преносните фрижидер-торби, системите за ладење на компјутерските процесори и кулерите за вода. Современите Т-90М со клима уред ќе влезат во вооружувањето на руската војска во 2018 година.

Прочитајте повеќе: Каков „ѕвер“ ни стасува напролет? Т-90М „Прорив-3“ се симнува од монтажната лента

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња