Контура на офанзивна стрелба подразбира обединување на различни родови војска под единствена команда, а заради извршување на конкретна борбена задача. Тоа е, на пример, спој на извидувачи и артилерија кој функционира по принципот „откриено – уништено“, кога податоците за откриените цели не се праќаат во штабот туку директно до нишанџиите на артилериските орудија.
На Погоново е увежбана епизода со лов на непријателска артилерија со мамка која бега. Тенковите Т-72 отворија оган од затворени позиции, како да се во прашање топови (обично тенковите не отвораат оган надвор од зоната на директна видливост). По кратката стрелба тргнаа нанапред, а непријателска батерија отвори оган врз празните тенковски позиции и со самото тоа ги откри своите позиции, бидејќи веднаш ги открија беспилотните летала и артилериските радари за извидување. Непријателските топови неколку моменти подоцна се најдоа под плотунски оган на вистински хаубици и самоодни артилериски орудија „Мста-М“, а дотолчени се со тенковите кои пристигнаа во меѓувреме. Дејствата на артилеријата и тенковите ги координираа беспилотни летала „Орлан-10“.
„Овие маневри се посебни по единствениот метод на уништување на цели на растојание до 12 километири“, изјави заменик-командантот на армијата, генерал-мајор Тимур Трубиенко.
Оваа показна воена вежба ја следеа преку 200 командири на баталјони. Во маневрите учествуваа повеќе од 1000 војници и повеќе од 100 борбени орудија и летала.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче