Руските ловци Су-57 во Сирија фотографирани од сателит

Global Look Press
Израелскиот оператор на комерцијални сателити ImageSat International (ISI) објави сателитска снимка од руските ловци од петта генерација Су-57 во Сирија.

Фотографиите со двата авиона Су-57 ги објави ImageSat International на „Твитер“.

Ден претходно на интернет беа објавени фотографии за кои се тврди дека се со уште два руски ловци Су-57 кои пристигнале во Сирија.

Претходно Русија одлучи да ги тестира во Сирија системите за вооружување на најновиот ловец од петта генерација Су-57 (познат и под ознаките ПАК-ФА и Т-50).

Најмодерниот авион треба да биде вооружен со најмодерно оружје. Покрај ракети „воздух-воздух“ и „воздух-земја“, како и топ калибар 30 милиметри, ловецот Су-57 ќе има цела низа бомби кои не се закачени на крилата туку скриени во внатрешноста на авионот за да се намали забележливоста на непријателските радари.

Военото воздухопловство на Русија во сириската кампања веќе тестираше многу оружја кои ги користат ловците од петта генерација.

Тестирањето на вооружувањето на авионот Су-57 се врши истовремено со тестирањето на неговите летачки можности.  

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња