Руска одмазда за херојски загинатиот пилот: Ракетниот напад врз позициите на Ал-Нусра

Су-25

Су-25

Александар Маркин
По загинувањето на рускиот пилот на јуришниот авион Су-25 во близина на Идлиб е извршен групен напад со високопрецизно оружје на подрачјето кое е под контролна на Ал Нусра, од каде врз авионот беше истрелана ракета од преносен ракетен систем, соопшти Министерството за одбрана на Руската Федерација.

Во нападот се уништени повеќе од 30 терористи, додава министерството, без да прецизира кое конкретно оружје е применето во нападот, пренесува РИА „Новости”.

Претходно беше соопштено дека сириските терористи на подрачјето на Идлиб собориле авион. Подоцна се дозна дека е соборен руски јуришен авион Су-25. Од Министерството за одбрана на РФ е потврдено загинувањето на пилотот. Според непотврдени информации, неговото име е Роман Филипов.

Пилотот успеал да се катапултира, но е убиен во директна борба со терористите. Судејќи според пронајдениот пиштол што му припаѓаше на пилотот и полупразните шаржери, тој отворал оган врз напаѓачите и херојски загинал, соопшти порталот vz.ru.

Прочитајте повеќе: Зошто Русија војува во Сирија?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе