Строго доверливо: Како се конструираат летала среде Сибир

Според тоа, една од главните задачи на институтот е изградба на патнички авион кој одговара на барањата на современото општество (достапност, потрошувачка на гориво, намалување на бучавата и еколошки чист погон).

Вака се тестираат крилата. Институтот СибНИА има успешно спроведено бројни проекти. Новата доба бара од тимот на институтот да се фати во костец со прашањата на зголемување на брзината, висината на летањето и сигурноста на леталото.

Су-35 е многу подвижен, повеќенаменски ловец од генерацијата 4++ за сите временски услови.

Овде се вршат тестирања на издржливоста на комплетната структура на леталото. Тој дел е висок 35 метри. Таванските греди на носачот поднесуваат товар од 100 тони на квадратен метар.

Сибирскиот аеронаутички истражувачки институт „Сергеј Алексеевич Чаплигин“ (СибНИА) е најголемиот воздухопловен истражувачки центар на рускиот исток, во Новосибирск. Неговата мисија е да спроведува истражувања и тестови во сферата на аеродинамиката, структурната робустност и тестирање на летови.

СибНИА разви компоненти за авионите Ан-2, А-57, Су-26 и Су-27. Тестираше и над 200 различни видови летала, вклучително и суперсоничниот патнички авион Ту-144, вселенското летало „Буран“, Ту-204 и серија авиони Су-27. Тестираше и уреди за слетување на над 250 летала произведени во Русија.

Институтот во моментов врши тестирање на авионот од петта генерација Т-50 и на патничкиот авион МС-21 со краток и среден домет.

На овој оддел на институтот во тек се работите на креирање и развој на регионалното летало SSJ-100. Под полниот назив Сухој Суперџет 100, рускиот патнички авион со среден домет заеднички го развиваат Сухој Civil Aircraft и странски корпорации.

Вертикалниот стабилизатор на вселенското летало „Буран“. Институтот СибНИА разви технологија која овозможува загревање и ладење на конструкцијата на соодветна температура. Термалната кабина на „Буран“ поднесува температури до 1200 степени Целзиусови.

СибНИА врши тестови на издржливоста на структурата за Су-34, Су-35 и Ту-204.