Руски мегафабрики: Хеликоптери за целиот свет

Во фабриката оддалечена 800 километри од Москва, 7000 работници произведуваат најмногу хеликоптери во историјата на воздухопловството. Прозводствениот процес во Казанската фабрика се развива од нула.

Ми-8 и неговата модернизирана верзија Ми-17 се развиени во 60-те години. И покрај тоа што се дизајнирани пред половина век, до ден-денес тие се меѓу најбараните хеликоптери на светот.

Денес во казанската фабрика главно се произведуваат три варијанти на Ми-17: патничка, транспортна и повеќенаменска. Исто така се произведуваат и лесни повеќенаменски хеликоптери од типот Ансат.

Фабриката планира во најскоро време да почне со сериско производство на новиот транспортно-патнички хеликоптер Ми-38.

Во зависност од намената и опременоста, цената на еден хеликоптер Ми-17 се движи од 15,2 до 17,9 милиони американски долари.

Трошковите за одржување на ваквите машини исто така се многу големи. На пример еден час летање на Ми-17 чини меѓу 3000 и 3500 американски долари.

Во текот на своето постоење фабриката произведе преку 12000 хеликоптери Ми-4, Ми-8, Ми-14, Ми-17 и моделот Ансат. Извезени се во преку 100 земји.

Хеликоптерите произведени во Казањ имаат преку 50 милиони часови летање ширум светот. На пример Mи-17В-5 е прилагоден да лета на територијата на Азербејџан.