Руски мегафабрики: Местото каде што се раѓа „Сухој“

Во текот на Втората Светска Војна секој трет авион од типот „Јак“ е произведен во оваа фабрика. За време на војната во оваа фабрика во просек се склопувани по 33 авиони на ден.

Кон крајот на 1980-те години во фабриката започна сериско производство на најмодерниот повеќенаменски авион од четвртата генерација Су-27IB, подоцна преименуван во Су-32.

Во доцните деведесетти во фабриката почнува развојот на повеќенаменскиот авион Су-34, чиишто експериментални летови беа изведени од пилотите Игор Вотинцев и Евгениј Ревунов на фабричкиот аеродром. Од 2006 година почнува сериското производство на овој авион за потребите на руската војска.

Овој бомбардер е вооружен со 30 мм топ а покрај тоа може да носи уште 12 ракети со вкупна носивост до 8 тони. Според некои извори, два Су-34 се користени во војната во Јужна Осетија во август 2008 година. Се претпоставува дека овие авиони се употребени за поддршка на операциите на копно, како и за електронски дејства против грузиските системи за противвоздушна одбрана.

Западните аналитичари овој авион истовремено го класифицираат како повеќенаменски борбен авион и ловец-бомбардер.

Пилотската кабина е обложена со титаниум со дебелина од 17 мм, а резервоарот на авионот исто така е заштитен со оклоп.

Повеќе од 6000 работници и стручњаци од оваа фабрика биле вклучени во дизајнирањето на авионот Су-34

.Кога ќе се состави трупот на авионот, следи монтажата на системите и опремата. Авионот станува „живо суштество“ во рацете на фабричките монтери, кои ги поставуваат сите неопходни елементи на техниката.

Во март 2012 г. фабриката потпиша договор со руското Воено воздухопловство за испорака на 92 авиони од типот Су-34 до крајот на 2020 г. Ова е дополна на договорот од 2008 г., кој предвидуваше испорака на 32 авиони од овој тип. Еден авион Су-34 чини приближно 28 милиони долари.