Како започна историјата на руската нуклеарна подморница пред 50 години

Севмаш
Пред половина век советските производители на оружје го развиле првото морско длабоководно атомско чудовиште. Тоа станува камен-темелник на руската политика за нуклеарно одвраќање.

Во ноември 1967 година советските производители ја пуштаат првата атомска подморница во земјата - К-137 „Ленинец“ 667А К-137 - натоварена со интерконтинентални балистички ракети. Подводниот ѕвер беше именуван по лидерот на Октомвриската револуција Владимир Ленин и ги постави темелите на подводната нуклеарна иднина на СССР. 

„СССР веќе има неколку подморници од проектот 658, вооружени со ракети со нуклеарни глави, но 'Ленинец' е првата од нив, вооружена до заби со атомски ракети, способни да изминуваат 10.000 километри до целите“, вели за Russia Beyond-Македонија воениот аналитичар на агенцијата ТАСС Виктор Литовкин.

Претходните модели се вооружени со до три ракети со среден дострел, додека К-137 има 16 интерконтинентални балистички проектили и е важен дел од политиката за нуклеарно одвраќање на земјата. Секое од длабоководните морски чудовишта сега е пет пати поефикасно во потенцијалните конфликти. 

„Друга интересна карактеристика на овие бродови е првиот советски автоматизиран систем за управување со информации, односно компјутери, кои овозможуваат прецизна навигација на ракетите“, додава експертот.

Покрај тоа, овие подморници се нурнати 1.5 пати подлабоко од претходните модели, што е светски рекорд во длабочина од 400 метри под површината.

Како што забележува Литовкин, зголемената удобност е сериозен аспект на овие бродови. „Овие подморници обезбедуваат повеќе простор за живеење и пошироки коридори. Војниците и командантите имаат дури и сала за фискултура во подморницата. Ако треба да поминеш шест месеци под вода, физичката и ментална удобност е сериозен проблем“, тврди тој. 

За време на Студената војна, создавањето системи за спречување на нуклеарното оружје стана една од главните цели на Русија. Производителите добиваат голема цел за производство на овие машини. Вкупно советската морнарица доби 34 атомски подморници (667А К-137), секоја вооружена со 16 интерконтинентални балистички ракети.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња