Видео: „Руските витези“ настапија на аеромитингот „Дубаи Ершоу 2017“

„Руските витези“ летаат на ловци Су-30СМ

„Руските витези“ летаат на ловци Су-30СМ

Global Look Press
Во Дубаи, на аеромитингот „Дубаи Ершоу 2017“ (Dubai Airshow 2017), настапи акробатската пилотска група на Воздушно-космичките сили на Русија „Руски витези“.

Фигурите на руските пилоти во воздух го привлекоа вниманието на експертите и претставниците на деловните кругови кои пред тоа главно шетаа пред изложените авиони и хеликоптери.

„Витезите“ меѓу другото го изведоа и таканареченото „буре“, т.е. вртење на авионот околу својата оска, како и фигурата во кој два авиони летаат во пресрет еден на друг и нагло свртуваат.

Имаше и други акробатски фигури, на пример, летање на „грб “ и „огледало“ (авионите летаат паралелно, но еден од нив е свртен со „грбот“ надолу).

„Руските витези“ летаат на ловци Су-30СМ во сино-бели бои. Фигурите ги изведуваат на многу мали висини.

По „витезите“ полета руски авион-амфибија Бе-200, а рускиот дел од програмата го заврши ловецот Су-35 кој неколку секунди „висеше“ во воздух.

Во Дубаи како експонат е изложен и руски „Сухој Суперџет 100“ со ВИП опрема.

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе