Руските „Витези“ ќе почнат да настапуваат и со авиони Cу-35

Командантот на Воздушно-космичките сили на Русија генерал-полковник Виктор Бондарев најави дека познатата аеробатска група „Руски витези“ во иднина ќе пилотираат и со Су-35.

Во иднина аеробатската група „Руски витези“ќе започне со користење на Су-35, изјави командантот на Воздушно-космичките сили на Русија генерал-полковник Виктор Бондарев.

„Со текот на времето групата ќе прави акробации и на Су-35 . Сега пилотите се обучуваат на овие авиони, но само за програмата за усвојување на техниката на пилотирање. Мислам дека со текот на времето ќе  биде прекрасно да се лета и на овој авион“, изјави тој.

Командантот на ВКС на Русија истакна дека во овој момент групата се учи на Су-30СМ, кој од 2016 година ги заменува старите авиони Су-27П и Су-27УБ.

„Тоа е огромен товар и, се разбира, ние мораме да бидеме сигурни дека техниката никогаш и никаде нема да откаже. Таа се покажа од убавата страна“, изјави Бондарев, пренесува „Лента.ру“.

Во март 2017 година заменикот на Бондарев, генерал-мајор Андреј Јудин изјави дека Су-30CM биле избрани за „Руските витези“ наместо Су-35 поради комфорот за пилотирање со авионот со две седишта. „Тој е поудобен, тоа е голем комфор за пилотите. Тие многу често летаат. Во текот на таквите летови еден може да пилотира, другиот – да ја извршува улогата на навигатор“, изјави тој.

Аеробатската група „Руски витези“ е формирана во април 1991 година и е базирана на аеродромот Кубинка во западниот дел на Московската област.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња