Видео: Руски ловец Су-30СМ со две бомби потопи брод

Максим Блинов/RIA Novosti
На маневрите на морнаричката авијација на Црноморската флота ловец Су-30СМ со директен погодок на две бомби уништи мета која симулираше непријателски брод.

Ефектната видео-снимка на снајперски прецизното исфрлување на бомбите ја објави телевизијата „Ѕвезда”. Морнаричките извидувачки авиони Су-24МР во морето лоцираа одред бродови кои симулираа непријателски ракетни корвети. На задача за нивно неутрализирање се упатени авиони-ловци. Бомбите што ги исфрли Су-30СМ од мала висина ја погодија метата. Над бродот се крена облак од чад, а деловите од горниот дел на бродот се разлетаа далеку наоколу.

„Средствата за објективна контрола потврдија дека целта е погодена“, изјави началникот на прес-службата  на Црноморската флота капетан прва класа Вјачеслав Трухачов.

Тешкиот ловец Су-30СМ е наменет за стекнување надмоќ во воздух и за команда над воздушни формации. Неговиот моќен радар овозможува наведување на ракетите кои ги истрелуваат авионите во придружбата, а богатиот арсенал на сопственото вооружување и одличните маневарски способности го прават фатално опасен за непријателот во воздушна битка.

Су-30 може да носи до осум бомби тешки по 500 килограми или 28 бомби по 250 килограми. Вкупната тежина на муницијата и вооружувањето кои може да ги носи овој ловец е преку 10 тони.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња