Руски тенкови против американскиот Џавелин

Извор: Алексеј Китаев / Википедија

Извор: Алексеј Китаев / Википедија

Основниот руски тенк Т-90СМ и перспективниот Армата, кој ќе биде претставен во мај 2015 година на Парадата на победата, ќе бидат опремени со специјални визири и муниција, соопштува весникот „Вестник Мордовии“.

На бојното поле тенкот има многу противници. Најопасни за оклопниците се војниците со ракетни лансери, хеликоптерите и противтенковската артилерија ПТРК. Со цел да се зголеми борбената заштита на тенкот од овие закани во борбениот комплет Т-90СМ се воведува нов шрапнелно-фугасен истрел ЗВОФ77В со шрапнелно-фугасен проектил ЗОФ54, а исто така и истрел ЗВШ7 со проектил со готови убиствени елементи ЗШ7 Ворон. Гранатите се комплетираат со електронски далечинско-контактни осигурувачи ЭДКВ разработка на НИИ „Поиск“ ЗВМ17 и ЗВМ18. 

Топ-3 руски неутрализатори на американскиот ПРО
Кон крајот на јануари началникот на Генералниот штаб на Воените сили на Руската Федерација генералот на армијата Валериј Герасимов за медиумите изјави дека Русија „ќе преземе соодветни мерки“ против поставувањето на глобалниот систем ПРО на САД. Овие мерки, според Герасимов, „ќе бидат насочени кон засилување на руската армија и на флотата со перспективни комплекси и системи на вооружување, кои овозможуваат неутрализирање на потенцијалот на системот ПРО на САД, а исто така имаат и зголемена можност за негово надминување“. Руската команда не кажа кои системи се земени предвид, но „Руска реч на македонски“ состави рејтинг на најдоброто оружје против американскиот систем ПРО.

За да обезбеди стрелба тенкот ќе биде опремен со системот за далечинско детонирање Ајнет. Овие боеви системи ќе станат вистински „челичен дожд“ за противничките противтенковски комплекси. 

Ајнет има ласерски далекомер, а операторот го мери со помош на оддалеченоста од целта. Оваа информација се испраќа во програмираниот електронски детонатор, а испуканата граната не експлодира во контакт со целта, туку на определено растојание од неа. Ваквиот метод на стрелање ја зголемува точноста: карактеристиките на радиусот на паѓање на шрапнелите и прецизноста на стрелањето оддалеку се подобруваат за три пати, што, од своја страна, ја намалува за двапати средната потрошувачка на гранати. Со овој систем се компатибилни сите 124-милиметарски шрапнелно-фугасни гранати доколку се замени постојниот детонатор со електронски. 

Ајнет ќе биде подеднакво ефикасна како против авионската техника, така и против лесната оклопна техника и живата сила, која се наоѓа на отворено и во окопи, на растојание од 4 и повеќе километри. 

Како што тврди „Вестник Мордовии“ при директна борба на руските тенкови кое се опремени со новите гранати и американскиот ПТРК Џавелин (за кои владата на САД размислува да ги испрати во Украина), Ајнет нема да му остави шанса да преживее.

Сите права ги задржува „Росијскаја Газета“.