Како рускиот јазик им звучи на странците?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Ги прашавме нашите следбеници, колеги и познаници на кои рускиот не им е мајчин јазик - како им звучи рускиот и на што ги потсетува? Добивме широк спектар на одговори, од безопасно мјаукање до говор на мафијата.

Јазик на мафија и претседател

Сцена од филмот „Златно око“

режисер Мартин Кемпбел, 1995. / Eon Productions Ltd.

Вања од Србија студира на Филолошки факултет, а рускиот јазик го учи како втор странски јазик. Таа веќе не се сеќава на своите впечатоци кога за прв пат слушнала руски говор, но ни раскажа како реагирала нејзината сестра: „Еднаш се облеков целата во црно и на шега реков нешто на руски, имитирајќи руски акцент. Сестра ми ме погледна и ми рече: „Да не те познавам, ќе мислев дека си во мафијата“.

Лана, колешка на Вања од факултет, вели дека рускиот јазик не е како повеќето јазици. За неа тој „звучи моќно, како некој претседателски јазик, како главен јазик над сите јазици“.

Корисникот Oliver во коментарите на нашиот Телеграм-канал на англиски одговори дека во младоста слушал руски само во филмови како „Џејмс Бонд“, каде што секогаш му звучел грубо и „злобно“. „Но, кога лично запознав Руси, сфатив дека рускиот јазик е сосема поинаков, дека е поетичен и убав“.

Спокоен и длабок

Корисникот Jacques од нашиот Телеграм-канал на француски вели дека рускиот има смирувачки ефект врз него: „Секоја вечер, пред спиење, пуштам аудиоснимка на руски јазик. Рускиот ми е како приспивна песна“.

Владимир Висоцки и Никита Михалков

Russia Beyond (Сергеj Метелица/TASS; Екатерина Чеснокова/Sputnik; Getty Images)

Nąrðrażima Sïnïstra Jeżżebelle, следбеник на нашиот Телеграм-канал на германски, вели дека рускиот јазик е мелодичен, живописен, и дека е јазик на душата и срцето кој звучи мило: „Ниту еден друг јазик не може толку содржајно и прецизно да ја изрази целата длабочина на човечките емоции како рускиот. Само поезијата може да ја опфати и пренесе сета уметност на рускиот збор“.

Корисник од Телеграм-каналот на англиски Andrei 1 2 3 вели дека како звучи рускиот јазик зависи од говорникот. За него, рускиот звучи „мудро, смирувачки и нежно“ во говорот на режисерот Никита Михалков, а „фриволно, харизматично и колосално“ во говорот на поетот и актер Владимир Висоцки.

Шушти како полскиот

Мајкл пред 20 години се преселил во Русија од Лондон. За него рускиот најпрвин звучел како полскиот: „Мајка ми е Полјачка, а јас како дете учев полски. Мене рускиот ми звучеше како полски, шушкаво. А Русите уште зборуваат и на повисок тон“.

Ник е од Кина и учи руски веќе 2 години. Рускиот јазик првпат го слушнал во компјутерската игра „Red Alert“ и тогаш му изгледал „храбро и моќно“. Ник не се согласува со Мајкл за тоналитетот, според него Русите имаат низок глас.

И руските пцовки имаат некаков шарм

Следбеникот tbd_tbd_tbd од Телеграм-каналот на германски пишува: „За мене тоа е еден од јазици кои најубаво звучат, сè додека говорот не се прекинува со постојано пцуење, иако и тоа има свој шарм и не може да се спореди со ниту еден друг јазик што го знам. Ако сакате да ја почувствувате убавината на овој јазик, мора да ја проучувате руската поезија во оригинал“.

Russia Beyond (Legion Media)

А нашите јапонски корисници на „Твитер“ велат дека рускиот ги потсетува на мачкиниот јазик: „Понекогаш рускиот звучи како мјаукање на мачка“, напиша еден корисник. „Рускиот јазик звучи како „ња-ња сја-сја“, слично на мачките“. „Звучи многу добро, симпатично и убаво“, потврдува друг.

При користење на материјалите на Russia Beyond задолжителен е хиперлинк до изворот од кој е преземен материјалот.