Спикерот на Врховната Рада смисли повод за руска инвазија врз Украина

Спикерот на украинскиот парламент Андриј Парубиј смета дека гасоводот „Северен тек 2“ е „современо руско енергетско оружје“.

Спикерот на Врховната Рада Андреј Парубиј Андриј е сигурен дека изградбата на гасоводот „Северен тек 2“ може да биде поттик за инвазија на руската армија врз  Украина. Тој го изјави ова за време на прес конференција во Киев, пишува „Обозреватељ“.

Парубиј го нарече гасоводот „современо руско енергетско оружје“, опасно за Украина не само од политички аспект, туку и од гледна точка на безбедноста.

„Русија повеќе нема да се воздржува себеси од масовна инвазија врз Украина, кога нема да биде важно присуството на нашата територија на системот за транспорт на гас преку кој Русија испорачува гас на западноевропскиот пазар“, изјави спикерот на украинскиот парламент.

Покрај тоа, Парубиј изјави дека пуштањето во работа на гасоводот дополнително ќе ѝ донесе на Москва „огромни средства“ кои можат да бидат потрошени на воени операции во Сирија и Украина, пренесува РИА „Новости“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња