Медиум: Западот дефинитивно поделен во однос на Русија

Последниот флагрантен пример е приемот на бродот на Црноморската флота „Сметливи“ од страна на Грција, која е дел од Европската Унија и е членка на НАТО. Кон крајот на октомври „Сметливи“ пристигна во грчко пристаниште за да учествува во крос-културни настани на годината на културата во Русија и Грција. Но, и покрај фактот дека САД и Европската унија воведоа санкции и ја обвинуваат Москва за бомбардирање на цивили во Сирија, никој на Запад за време на посетата на Обама не изрази протест до Атина. Се разбира, некои политичари во Вашингтон изјавија дека однесувањето на Грција е „неприфатливо“ и „не прилега на членка на НАТО“. Сепак, сѐ што изјави американскиот претседател - тоа е „важноста на зачувување на санкциите“, сѐ додека не се реши конфликтот во Украина, пишува изданието.

Загриженоста на Обама во врска со важноста на санкциите е разбирлива. САД и Германија - двете главни земји кои ѝ се противат Русија – не се во моментов во најдобра форма за да ги поддржат своите партнери. На американските претседателски избори минатата недела победи Доналд Трамп, кој вети дека ќе ги подобри односите со Москва. Но, дури и пред неговата победа Европската унија беше премногу поделена и зафатеа со внатрешни „пресметки“ за да го сврти вниманието кон Русија, се вели во статијата.

Западните медиуми пишуваат дека Обама „ќе ја предаде штафетата“ за градење на односите со Русија на германската канцеларка Ангела Меркел. Сепак, во реалноста ситуацијата е многу посложена - Германија нема толкаво влијание како САД, кое би можело да го обедини Западот, особено по „Брегзит“, смета авторот.

Америка на Трамп се среќава со Русија на Путин

Од британскиот референдум Европа живее во „режим на опстанок“. Последниве три години нејзината политика спрема Русија речиси целосно се дефинираше во рамките на соработката на Меркел и Обама со потпирање врз Обединетото Кралство. „Но, со излегувањето на Велика Британија од Европската унија и на Обама од Белата куќа, Меркел ќе треба да прави многу повеќе напори за да ги натера нејзините колебливи  сојузници да ја задржи претходната линија“, пишува „Тајм“.

И покрај фактот дека на состанокот во Берлин големите европски земји „едногласно“ соопштија дека ја продолжуваат политиката на санкции, голем број земји-членки на ЕУ не се согласуваат со таквата состојба на нештата. На пример Грција, Италија, Унгарија, Словачка и Кипар веќе во неколку наврати изјавика дека е потребно да се олеснат санкциите, затоа што тие само ѝ штетат на европската економија, но не го менуваат однесувањето на Русија. Во многу нешта овие земји зависат од кредитите на ЕУ, и токму тоа е она што ги држи во близина на Меркел, но финансиите не се единствениот „здрав начин“ за управување со „европското семејство“, се вели во статијата на магазинот „Тајм“.

Сите права ги задржува „Росијскаја Газета“.