Столтенберг ги соопшти резултатите од преговорите со Русија

Генералниот секретар на НАТО Јенс Столтенберг зборуваше за исходот од преговорите со Москва во рамките на Советот Русија-НАТО, соопштува „Асошиејтед Прес“.

Според него, НАТО ја информирало Русија „за важните одлуки за зајакнување на нашата безбедност донесени минатата недела во Варшава“. „Русија, од своја страна, ни ги соопшти чекорите кои таа ги презема“, изјави тој.

Генералниот секретар на НАТО изјави дека Москва и Брисел не успеале да постигнат меѓусебно разбирање по прашањето за ситуацијата во Украина. „Не можам да кажам дека денеска бевме на иста бранова должина“, коментираше Столтенберг.

u041du0410u0422u041e u0441u0435 u043fu0440u0438u0431u043bu0438u0436u0443u0432u0430 u043au043eu043d u0440u0443u0441u043au0430u0442u0430 u0433u0440u0430u043du0438u0446u0430, u043du043e u0441u0430u043au0430 u0434u0438u0458u0430u043bu043eu0433 u0441u043e u041cu043eu0441u043au0432u0430

Притоа тој истакна дека определен напредок бил постигнат: Русија дала предлог за постојано користење на транспондери во текот на борбените летови над Балтичкото море. Тој чекор може да го намали ризикот од судир на небо. Столтенберг вети дека членките на НАТО детално ќе го проучат тој предлог.

Од своја страна рускиот постојан претставник во НАТО Александар Грушко изјави дека НАТО создава нова реалност во Европа што ја поткопува воената безбедност.

Според него, патот до стабилизацијата на Европа лежи, пред сѐ, преку замрзнување на одлуките распоредување нови сили на НАТО во Источна Европа, а козметичките мерки на доверба нема да ги решат проблемите, пишува „Лента.ру.“

Сите права ги задржува „Росијскаја Газета“.