Горбачов: Занесеноста на САД доведе до заладување на односите со РФ

До заладување на односите меѓу земјите од Западот и Русија доведе занесеноста на Вашингтон, кој се сметаше себеси за победник во студената војна и не ја признаваше улогата на Москва во воспоставувањето на односите, изјави последниот претседател на СССР Михаил Горбачов во интервју за „Сандеј Тајмс“.

„Тие не беа искрено заинтересирани да ѝ помогнат на Русија да стане стабилна и силна демократија. Тие мислеа дека ја намалија до димензии каква што треба да биде. Во процесот тие ја поткопаа довербата што ја изградивме“, рече Горбачов, кој исто така истапи и со критика за проширувањето на НАТО.

Политичарот коментираше еден од моментите на пресврт за односите меѓу Москва и Западот – присоединувањето на Крим кон Русија – и ги поддржа активностите на РФ.

u0413u043eu0440u0431u0430u0447u043eu0432: u0421u043fu0430u0441u0438u0442u0435u043b u043du0430 u0420u0443u0441u0438u0458u0430 u0438u043bu0438 u0441u0438u043cu0431u043eu043b u043du0430 u0443u043du0438u0448u0442u0443u0432u0430u045au0435u0442u043e u043du0430 u0437u0435u043cu0458u0430u0442u0430?

„Секогаш сум за слободно изразување на волјата на народот, а на Крим мнозиството сакаше обединување со Русија“, изјави тој.

Горбачов истакна дека самиот би постапил на сличен начин доколку би бил на местото на претседателот на РФ Владимир Путин во таква ситуација. Според неговите зборови, тој би можел да се откаже од таква одлука единствено поради тоа што во негово време „сѐ уште ќе постоеше Советскиот Сојуз и Крим ќе беше негов дел“.

Зборувајќи за распадот на Советскиот Сојуз, поранешниот претседател на СССР истакна дека „секогаш сакал само да го реформира, но никогаш не се стремел кон негов распад“.

„Жалам што големата земја со огромни можности и ресурси исчезна. Право да ви кажам, да бев сѐ уште на власт, таа ќе продолжеше да постои“, изјави Михаил Горбачов.

Сите права ги задржува „Росијскаја Газета“.