САД ѝ препорачале на Швајцарија да го пропушти Форумот во Петербург

Американски  дипломати вршат притисок врз Швајцарија, убедувајќи ја да не праќа свои претставници на Петербуршкиот економски форум, објави швајцарскиот весник „Ле Матен“. Весникот пишува дека дипломат од американската амбасада во Берн се сретнал со претставници на швајцарскиот секретаријат за економски прашања.

Неговата задача, пишува швајцарскиот весник, се состоела во тоа, „како и претходните години“, да порача дека САД очекуваат Швајцарија да не им препорача на своите компании испраќање на членовите на своите највисоки раководства на Петербуршкиот меѓународен економски форум кој ќе се одржи во Русија на 16-17 јуни.

u041du0430u0458u0432u0430u0436u043du0438u0442u0435 u0437u0434u0435u043bu043au0438 u043eu0434 u0433u043eu0434u0438u043du0430u0448u043du0438u043eu0432 u0421u0430u043du043au0442u043fu0435u0442u0435u0440u0431u0443u0440u0448u043au0438 u0444u043eu0440u0443u043c

Освен тоа, САД сакаат да испратат јасна порака дека со Русија не може да се „работи како и обично“, пренесува РБК. Министерството за надворешни работи на Швајцарија го потврди овој разговор, додава весникот.

Поранешниот американски дипломат со кој новинарот разговараше потврди дека тоа е „американскиот стил“. Според неговите зборови, „сите дипломати го прават тоа, иако може да биде по малку иритирачки“.

„Тие мислат дека се газди во светот“, додаде соговорникот. Тој исто така истакна дека ваквите разговори се нормални во сферата на дипломатијата.

Петербуршкиот економски форум во 2016 година третпат ќе се одржи во услови на западни санкции. Темата на форумот годинава е „На прагот на новата економска реалност“. Се очекува „политичка ѕвезда“ на форумот да биде италијанскиот премиер Матео Ренци.

Сите права ги задржува „Росијскаја Газета“.