Си-Ен-Ен доби дозвола за емитување во Русија

Роскомнадзор ѝ издаде на компанијата „CNN International“ дозвола за емитување во Русија.

Федералната инспекција на РФ во сферата на телекомуникациите, информатичките технологии и медиуми (Роскомнадзор) по разгледување на поднесеното барање, ѝ издаде на компанијата „CNN International“ дозвола за емитување во Русија. Тоа ѝ овозможува на компанијата да емитува програма преку кабелските оператори на целата територија на РФ.

Си-Ен-Ен на 31. Декември го прекина емитувањето на програмата преку кабелските и сателитските мрежи на Русија. Тогаш компанијата „Turner Broadcasting System“, која е  сопственик на телевизискиот канал, соопшти дека одлуката е предизвикана од промените во руското законодавство, но не прецизираше за што поточно станува збор.

Сите права ги задржува „Росијскаја Газета“.