Русија ќе ја нахрани Европа со брашно, шеќер и вотка

Владата ги повикува произведувачите да го зголемат обемот на извоз на готови продукти.

Кон крајот на мај Министерот за земјоделство. Николај Фјодоров, ги повика руските произведувачи на храна да го зголемат извозот на готови продукти во европските држави: „Русија треба да се стреми да испорачува во странство и готова продукција“.

Сега во Европа од Русија се најмногу се испорачува замрзната риба, морски продукти и пченица. Според податоците на Федералната царинска служба, во периодот меѓу јануари-март 2013 година Руската Федерација експортирала во другите земји земјоделски и други продукти за сума од 3,2 милијарди долари. Тоа се само 1,9% од вкупниот извоз на Русија. Министерството за земјоделство сака да ја промени оваа слика.

Зголемувањето на извозот Русија може да го започне со продуктот кој претставува препознатлива марка за Русија - вотката. Засега се извезуваат околу 5 милиони декалитри вотка годишно, од кои 1 милион ги извезува „Руски стандард“, извозно најориентираната од сите компании кои произведуваат алкохол во Русија.

Освен вотката, добри перспективи за извоз има и брашното (преработеното зрно), зејтинот, путерот и продуктите добиени од преработка на шеќерна репка. 

Сите права ги задржува „Росијскаја Газета“.