Русин на нива најде меч стар повеќе од 1500 години (ФОТО)

• Ве очекуваме на Телеграм-каналот https://t.me/rb_makedonija
• Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“ сме секогаш со вас!
• Вклучете го во пребарувачот „Show notifications“ (дозволи известувања) за нашиот сајт!

По деталниот стручен преглед се покажало дека станува збор за меч од времето на Трите царства, периодот на трите држави кои постоеле во јужна Манџурија и на Корејскиот полуостров во периодот од I век п.н.е. до VII век од нашата ера. Артефактот е прелиминарно датиран врз основа на слични предмети пронајдени на Корејскиот полуостров, од периодот од V до VII век, соопшти прес-службата на музејот.

Mузеј-резерват на историјата на Далечниот Исток „В.К. Арсењов“

Според зборовите на главниот кустос на музејот Максим Јакупов, мечот ќе биде испратен на конзервација и проучување, а подоцна ќе влезе во музејскиот фонд на Русија и ќе оди на реставрација. Потоа експонатот најверојатно ќе биде вброен во збирката оружје во рамките на поставката „Магијата на сечивото“, каде што ќе биде изложен и ќе може да се види.

Покрај ладно оружје, во оваа музејска сала беше презентирано и заштитно оружје на војниците од Русија, земјите од Европа и САД, Јапонија, Индоперсискиот регион и Кина од крајот на XVIII и почетокот на XX век.

При користење на материјалите на Russia Beyond задолжителен е хиперлинк до изворот од кој е преземен материјалот.