Во Русија мечка преплаши гости на ресторан близу езеро (ВИДЕО)

Видеото и детали за настанот се објавени на телеграм-каналот Mash Batash.

Гостите на ресторанот во одморалиштето покрај езерото Јакти-Кул беа во шок кога ненадејно се појави мечка. На снимката се гледа како животното му приоѓа на објектот, се крева на задните шепи и преку прозорецот гледа внатре. Очевидецот што го снимаше настанот моли да се затвори вратата.

Мечката најверојатно огладнела и тргнала да бара храна кај луѓето. Повикани се надлежните во Министерството за вонредни состојби чии вработени се погрижија дивото животно да се врати назад в шума.

Во Сочи, во камп кај езерото Зеркално во близина на планината Ачишхо мечка нападна туристи и им скина четири шатори. Штетата што ја направи мечката, меѓу другото и изгризана мала укулеле гитара, беше документирана на видеоснимка.  

При користење на материјалите на Russia Beyond задолжителен е хиперлинк до изворот од кој е преземен материјалот.