На видеото се гледа како дивото животно седи до жена на задното седиште на црвен џип, додека друга жена го вози автомобилот. Леопардот беше мирен и опуштен, меѓутоа неколку пати се обиде да скокне од возилото, забележуваат очевидците.
Автомобилот со леопард беше виден во близина на паркот Горки околу 16 часот. Според првичните сознанија, леопардот го носеле на вакцинација против ковид-19 во една од ветеринарните клиники во главниот град.
Како што тврдат очевидците, возачите се обиделе да се запознаат со сопственичката на животното на патот за да разјаснат дали станува збор за леопард или сервал, но таа никому не одговорила на тоа прашање.