Имагинативни детски новогодишни костими од времето на Советскиот Сојуз (ФОТО)

Archive photo
Да се облечете за Нова година во Уставот на вашата земја? Во градинка? Феноменална замисла!

Во пресрет на долгиот новогодишен распуст секое советско дете очекуваше неколку празнични претстави за кои беа потребни костуми. Тие тогаш не можеа да се купат во продавница како денес, а како ќе изгледаа на крајот зависеше од креативноста (и трпеливоста) на родителите. Зајаци, снегулки, пирати, лисици... Имаше десетици такви костими на секоја детска новогодишна утринска претстава.

Истовремено, имаше и такви кои направија исчекор во однос на конвенционалниот избор на ликови и костими. Колкав исчекор? Најдобро е да ги погледнете старите советски фотографии и самите да се уверите.

Во текот на целото постоење на Советскиот Сојуз, Уставот беше менуван неколку пати, а најдолговечен беше оној што делумно го напиша лично Сталин. Уставот од 1936 година, за кој се зафати „вождот на народите“, беше проследен со добар пи-ар меѓу народот, толку добар што некој реши за Нова Година да го облече своето дете во основниот закон.

Покажувањето политичка лојалност на детските утрински претстави тогаш се сметаше за сосема нормално. Така имаше деца облечени во костим на Советскиот Сојуз.

Ова момче се залагаше за независност на африканските републики.

Кој вели дека само девојче може да биде Снежана?

Некои родители беа убедени дека омилениот предмет од ентериерот е одлична идеја за костум. За тоа сведочи девојчето како успешна реплика на корпа со цвеќе.

Сепак, не секој беше успешен во правењето костими, дури ни на толку вообичаените зајаци. Овој излезе малку страшен.

Ова девојче е облечена во елка и фотографирана до елка.

И маските се правеа рачно.

Темата за освојување на вселената во тоа време беше една од најпопуларните. Најкреативните се осмелија да направат костими на космонаути.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња