Мајката на девојчето од САД со „маската на Бетмен“ со фотографија од детето по операцијата во Русија

Мајката на девојчето од САД Луна Фенер со голем младеж на лицето објави фотографија од детето по серијата операции на која покажува како тече процесот на заздравување на ткивото.

На фотографијата на „Инстаграм“ се гледа дека младежот на лицето на детето е намален, а кожата на образот зараснува. Според мајката на девојчето, на левата нога на детето останала „трага“, затоа што од тоа место е земена кожа за трансплантација.

Истата процедура е направена и со другата нога пред осум месеци, од каде е земена кожа за носот. Според жената, нејзиното дете сега е добро, се опоравува по операцијата. Планираат да се вратат дома на 9 декември. 

Според извршниот директор на краснодарската клиника ФДТ Андреј Алексуткин, следната операција сé уште не е закажана. Таа ќе биде извршена кога мајката и ќерката повторно ќе дојдат во Русија.

Претходно краснодарските лекари на интернет видоа статија за девојче од САД родено со огромен младеж на лицето. Откако дознаа дека во Америка одбиле да ја оперираат, тие го контактираа семејството и ја понудија својата помош.

Во октомври 2019 година лекарите на специјализираната клиника за ласерска фотодинамичка терапија во Краснодар ја изведоа првата операција за отстранување на младежот кај девојчето од САД. Најавено е дека ќе бидат изведени вкупно шест до осум операција.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња