Деведесетогодишниот Борис Графов од Домодедово (кај Москва) минатата недела изведе банџи-скок од 207 метри високиот мост „Скајбриџ“ (Skybridge) во Сочи.
Пензионерот пред скокот без ни најмалку нервоза и со насмевка на лицето на присутните им прочита свои стихови.
Графов во младоста многу танцувал и скокал со падобран, а последниве години откри ново екстремно хоби - банџи џампинг. Инаку, сиот свој живот е вљубен во височините – долга низа години се занимавал со работа на високи објекти.