Како во Русија беше одбележан Денот на десантните падобрански единици (ФОТО)

Еднаш во ВДВ, секогаш во ВДВ – така велат припадниците на руските Воздухопловно-десантни сили. 

Да се стане дел од ВДВ е голема привилегија во Русија и причина за гордост до крајот на животот.    

Мотото на ВДВ е „никој освен ние“!

На падобранците им ги даваат најтешките и најопасни задачи кои подразбираат дејствија зад непријателските линии. 

Токму затоа нивната обука е една од најтешките во руската армија.  

ВДВ меѓу првите ги добива најновото оружје и воена опрема.

Се проценува дека Вооружените сили на Руската Федерација денес сметаат на околу 45000 активни припадници на ВДВ. Во овој сегмент Русите се убедливо први во светот.

Колку е ова значајна бројка, зборува податокот дека дури во 18 од вкупно 29 членки на НАТО-пактот вкупниот воен персонал не надминува 30000 луѓе.

Рускиот ВДВ е единствен по тоа што има посебна виша воена школа, под целосен назив „Рјазањска гардиска виша воздухопловно-десантна командна школа“, а од 1996 година официјално го носи името на Десантникот бр. 1, генералот на армија Василиј Маргелов.

Во текот на својата историја легендарната Рјазанка изнедри вкупно 53 Херои на Советскиот Сојуз и дури 78 Херои на Русија. Според бројот на носители на највисокото одликување далеку ги надминува сите останати воени високообразовни институции во Русија.