Мостови, подморници и чудовишта: Петербуржанец сними фатаморгана на езерото Ладога
Како што на 27 јули изјави за порталот „Фонтанкаˮ петербуршкиот фотограф Антон Кубишкин, тој со друштвото го минува одморот на езерото Ладога во реонот на населбата Моторно. Вчера на езерото и брегот се спушти студен слој воздух, а над нив, очигледно, се наоѓал топол фронт, што предизвика појава на фатаморгана. Големите „слики“ кои полека се менуваа потсетуваа на мостовите преку реката Нева во Петербург, на подморници, планини и грбови на огромни морски чудовишта.
„Седев на брегот и се смрзнував додека фотографирав и замислував како би изгледало тоа да сум во океанот. А наутро сонцето ни подари преубаво изгрејсонце“, напиѓа Антон во групата „Печурки и печуркари на Санкт Петербургˮ на социјалната мрежа „ВКонтактеˮ.
Фатаморганите настануваат при средба на слоеви воздух со различна густина и температура. Границата меѓу нив ги рефлектира зраците светлина како огледало. Набљудувачите притоа гледаат и реален објект (тоа може да биде дури и дел од небото) и неговиот одраз во атмосферата. Возачите добро ги познаваат фотоморганите кои во врели денови се појавуваат над прегреаниот асфалт и изгледаат како бари на патот.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче