Натпреварот во убавина Mrs Universal Classic се одржа во Софија (Бугарија) и на него победи 43-годишната Ксенија Вербицкаја од Санкт Петербург.
Во 2019 година таа беше прогласена за најубавата омажена Русинка на натпревар во Санкт Петербург и на тој начин се стекна со правото да ја претставува својата земја на финалниот натпревар од 19 до 21 јануари.
За своето учество таа облече руска народна носија: фустан сарафан и кокошник за глава.
Претставувајќи ги своите таленти, таа пееше песна на шпански јазик.
На овој натпревар учествуваат омажени жени кои се реализирале во кариерата и имаат најмалку 40 години.
Ксенија е гинеколог во локалната болница. Има четири деца: три девојчиња и едно момче на возраст од три до 16 години.
Омиленото хоби на Ксенија е танцувањето. Обожава да игра танго и сонува да танцува еднаш во Буенос Аирес.