Претседателот на Русија Владимир Путин го покани неговиот српски колега Александар Вучиќ да ја посети Москва во мај следната година.
„Ве очекуваме во мај следната година во Москва“, рече Путин во текот на разговорите со српскиот претседател во Сочи.
Денес, 4 декември, во Сочи се одржува 17-та средба по ред на двајцата претседатели. Во мај 2018 година Александар Вучиќ беше гостин на 73. Парада на Победата во Големата патриотска војна на Црвениот плоштад.