„Ле Монд“: Русија го победи алкохолизмот

Global Look Press
Овој заклучок се заснова на последниот извештај на Светската здравствена организација, кој ги побива воспоставените стереотипи за „руското пијанство“.

Русите пијат значително помалку, тврди францускиот весник „Ле Монд“. Светската здравствена организација смета дека рестриктивните мерки, кои во Русија беа плански воведени уште од раните 2000-ти, овозможија не само да се намали количината на консумиран алкохол по глава на жител, туку и да ја направи Русија земја за пример на другите држави.

Во текот на 13 години, до 2016 година, потрошувачката на алкохол, вклучувајќи ги и жестоките пијалаци, е намалена за 43%. И додека во 2017 година просечен Русин постар од 15 години трошеше околу 11,1 литри алкохол годишно (во чиста форма), просечниот Французин консумираше 11,7 литри. Напредокот е уште поизразен ако се знае дека во 1990-тите, по распадот на СССР, секој втор маж во Русија беше алкохоличар, признава „Ле Монд“.

И покрај мислењето дека ништо не може да се постигне со рестрикции, во Русија овој метод вроди со плод. Се работи за ценовна политика, за забрана за рекламирање алкохол и негова продажба ноќе, како и за забрана за продажба на малолетници.

Осен тоа, потрошувачката на алкохол е сѐ помалку „во тренд“, затоа што е познато дека претседателот на Русија Владимир Путин, за разлика од неговиот претходник Борис Елцин, со својот начин на живот не промовира алкохол. Како што порано рече Путин духовито, најважно е „спортот да не се замени за спирт [рус. алкохол] - само една буква, а разликата е огромна “.

„Ле Монд“ признава дека руското општество во тој поглед сѐ повеќе се поларизира: од една страна стигна генерација на луѓе кои во целост избегнуваат алкохолни пијалаци, што порано речиси и не се случуваше, а од друга страна, тука се оние кои и понатаму страдаат од тешки облици на зависност.

Прочитајте повеќе: Зошто Русите пијат многу?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња