Портпаролот на шефот на руската држава откри како Путин ќе го помине роденденот

Reuters
Претседателот на Русија на 7 октомври полни 67 години.

Претседателот на Русија Владимир Путин ќе го помине својот роденден на 7 октомври во природа, во друштво на семејството и пријателите, изјави за агенцијата ТАСС портпаролот на шефот на руската држава Дмитриј Песков.

Претседателот ќе го помине роденденот во природа и во друштво на семејството и пријателите, рече претставникот на Кремљ.

Оваа година Путин полни 67 години. Претседателот на Русија ретко има можност да го помине 7 октомври без работни активности, вклучувајќи ја и јавноста.

Во 2017 година роденденот на Путин се падна во сабота, кога тој одржа оперативен состанок со постојаните членови на Советот за безбедност на РФ во Сочи. Традиционално, на 7 октомври, бројни лидери на други земји телефонски му го честитаат на Путин роденденот. Според Дмитриј Песков, ниту тие разговори не поминуваат без разгледување на „суштински прашања“, така што и тие се дел од работниот распоред на шефот на државата.

Во 2016 година Путин немаше јавни активности. Една година порано, на 7 октомври тој учествуваше во натпревар на „Ноќната хокеарска лига“, а во 2014 година зеде слободен ден и се одмори и со авион отиде да го помине роденденот далеку од цивилизацијата, во сибирската тајга. Неколку пати роденденот на претседателот се совпадна со значајни меѓународни настани во кои тој учествуваше.

Според Песков, шефот на руската држава обично го поминува роденденот со семејството и пријателите, а понекогаш и со колегите од работа.

Прочитаjте повеќе: Подароци за Путин: што му подарија на претседателот на Русија

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња