Руската Дума го усвои предлог-законот со кој во Русија се дозволува лов со лак и стрела, објави Агенцијата за градски вести „Москва“. Со законскиот новитет лакот се издвојува како посебен тип на ловечко оружје: стрелечко-фрлачко оружје.
Неговото користење бара посебна физичка вештина и извежбаност на ловците.
Руските граѓани ќе можат да набавуваат лакови ако имаат ловечка книшка и дозвола за чување и носење ловечко оружје. Исто така, пропишан е рок од две недели од набавката на оружјето за негово регистрирање во Руската национална гарда „Росгвардија“.