„Црвената машина“ ја исфрли американската репрезентација од светското првенство во хокеј

Во Братислава (Словачка), во арената „Ондреј Непала“ заврши четвртфиналниот меч од светското првенство во хокеј.

Русија ја победи Америка со резултат од 4:3.

Головите за „зборнаја“ ги постигнаа Никита Гусев (2 минута), Михаил Сергачов (15), Кирил Капризов (41) и Михаил Григоренко (47). За екипата на САД погодоци постигнаа Брејди Шеј (22), Ноа Ханифин (45) и Алекс Дебринкет (57).

Во полуфиналето руската репрезентација ќе игра со најслабата екипа која се пласираше во оваа фаза на натпреварот. Полуфиналето ќе се игра на 25 мај.

Потсетуваме дека Русите во групната фаза ги победија Норвешка (5:2), Австрија (5:0), Чешка (3:0), Италија (10:0), Латвија (3:1), Швајцарија (3:0) и Шведска (7:4). Во седум натпревари однесоа седум победи, освоија 21 поен и обезбедија убедливо место во групата Б.