Во Керченскиот теснец се појавија новите брзи транспортно-десантни чамци БК-16 на Росгвардија, кои во Керч стигнаа од Севастопол, соопшти прес-службата на Росгвардија, пренесуваат медиумите.
„Предавањето на чамците на поморскиот одред на силите на Росгвардија е извршено во церемонија под раководство на началникот на управата за заштита на објекти на море на руската гарда контраадмирал Андреј Шатаев”, соопшти прес-службата на Јужниот округ на силите на Росгвардија.
Кримскиот мост ќе го чуваат два десантни чамци кои беа тестирани во февруари во Севастопол.
БК-16 се опремени со навигациски и радиотехнички системи кои им овозможуваат долготрајни маневри. Можат да постигнат брзина до 80 километри на час.