Началникот на рускиот Генералштаб: Во Сирија во 2018 година ликвидирани 23 илјади терористи

Сајт http://www.bog-rata.com/

Сириската војска во 2018 година (до декември месец, заб. на прев.) уништи 23 илјади терористи. Притоа е ослободено 387 населено место. Овие податоци ги изнесе началникот на Генералштабот на руската армија Валериј Герасимов на брифингот со странските воени претставници во Москва, пренесува сајтот „Бог рата“. 

Според него, во 2018 година сириската армија остварила запазени резултати. Забележлив е значителниот напредок на тактички план благодарение на ангажманот на руските воени инструктори. Успешно се завршени операциите за ослободување на Источна Гута, Хомс и југот на Сирија. „Притоа се уништени 23 илјади терористи. Од радикалните екстремисти се ослободени 387 населени места“, истакна генерал на армија Валериј Герасимов.

При ослободувањето на овие населени места се внимавало да не страда цивилното население. Секогаш прво се инсистирало на мирна демилитаризација по пат на преговори. „Клучна улога имаше рускиот Центар за помирување на завојуваните страни. Во текот на неговото ангажирање се спасени преку 230 илјади луѓе. Покрај нив, евакуирани се и бунтовнички групи кои се префрлени во зоната на деескалација Идлиб и Џарабулус“, истакна началникот на рускиот Генералштаб Герасимов.

Во преговорите преку 40 илјади непријателски борци преминале на страната на сириската армија. Притоа предале околу 650 единици различна борбена техника.

Прочитајте повеќе: Началникот на штабот на руската војска во Сирија: Како го уништивме псевдокалифатот?

 

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња