Во Русија потрошувачката на алкохол намалена за 40%

Patrick Pleul/ZB/Global Look Press

Во Русија потрошувачката на алкохол по глава на жител во последниве 12 години падна за 40%, иако е и понатаму висока, истакна началникот на Федералната служба за регулирање на пазарот на алкохол (Росалкохолрегулирование) Игор Аљошин.

Намалувањето на потрошувачката на алкохол е постигнато делумно благодарение на мерките кои ги презеде службата за регулирање на пазарот на алкохол, рече Аљошин во интервју за РИА „Новости”.

„Во рамките на надлежноста на службата се користат неколку инструменти со цел промена на структурата и намалување на потрошувачката. Тоа се: контрола на почитувањето на прописите за минимални цени, воведување на систем за обележување на потеклото на алкохолот, борба против илегалното производство и трговија со алкохол, како и контрола на почитувањето на државните стандарди и технички услови“, објасни тој.

Меѓутоа, истакна Аљошин, нивото на потрошувачка на алкохол во Русија и понатаму е високо.

„Прашањето на потрошувачката не е поврзано само со количинските показатели, туку и со показателите за квалитет. Очигледно е дека консумацијата на сурогати на алкохол е неприфатлива и ние мораме плански да се бориме против нивната потрошувачка“, додаде тој.

Претходно научници од Универзитетот „Вашингтон“ во Сиетл докажаа дека не постои нештетна доза на алкохол, а во јули истражувања во САД покажаа дека во оваа земја значително пораснал бројот на смртни случаи предизвикани од заболувања на црниот дроб.

Прочитајте повеќе: Како Русија се бори со консумирањето неквалитетен алкохол

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња