Додека сите очи беа вперени во светскиот машки фудбал, на Русите им се насвена среќата на другиот крај од Европа. Русија е сега суперсила во фудбал на песок и тоа го докажаа спортистките во Назаре (Португалија).
Русинките во финалето го победија шпанскиот тим со 2-0 и го освоија третото Европско првенство во фудбал на песок (во 2016 победија Шпанките, а во 2017 година Англичанките).
Интересно е, исто така, што рускиот тим се собра дури на 25 јуни, две недели пред почетокот на шампионатот.
Русинката Марија Фјодорова е прогласена за најдобра играчка на шампионатот, а Анастасија Горшкова е најдобар стрелец (пет постигнати гола).
„Знаевме дека имаме одлична шанса да поведиме, но очекувавме тешки натпревари, особено кога Шпанија мина во финалето“, вели Анастасија Осиновскаја. „Бев мирна и сталожена на почетокот. Некако знаев дека ќе успееме. И покрај тоа што првпат настапуваме како тим, се знаеме подолго време. Игравме како еден, колку и да звучи банално тоа. Но, вистина е!“