„Цел живот сонувавме за тоа“: Ѕјуба ја коментира победата над Египет

Chen Yichen/Xinhua/Global Look Press

Напаѓачот на репрезентацијата на Русија Артјом Ѕјуба ги сподели своите впечатоци по победата над репрезентацијата на Египет.

„Во пресрет на натпреварот зборувавме за тоа дека задолжително мора да го направиме овој историски чекор. Цел живот се стремевме кон тоа, за тоа сонувавме. На домашното Светско првенство сѐ игра за нас: прекрасните стадиони, одличната атмосфера”, изјави Ѕјуба.

Тој додаде дека екипата верувала во успех и покрај критиките од новинарите и навивачите: „Сакавме да победиме, затоа малку нѐ нервираше кога нѐ критикуваа премногу. Но ние сме бескрајно среќни. Многу сме горди што им приредивме на луѓето ваков празник“. Рускиот репрезентативец додаде дека неговиот тим сега сака да го заземе првото место во групата.

На 19 јуни на вториот натпревар во групната фаза на Светското првенство репрезентацијата на Русија го порази тимот на Египет со резултат 3:1. Најпрвин одбранбениот играч на Египет Ахмет Фахти си даде автогол, а потоа мрежата на египетскиот тим ја затресоа играчот за врска Денис Черишев и Ѕјуба. Покрај рускиот голман Игор Акинфеев топката од пенал успеа да ја протне египетскиот напаѓач Мохамед Салах.

Светското првенство во фудбал ќе трае до 15 јули. Натпреварот од второто коло меѓу Саудиска Арабија и Уругвај, кои се наоѓаат во истата група со селекциите на Русија и Египет, се игра денеска во Ростов на Дон.

Прочитајте повеќе: Нокаут за 15 минути: Русија го победи Египет и оди понатаму

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња