Русите велат дека телевизијата им е најголемо задоволство

Русите најмногу од сѐ во животот сакаат да гледаат во телевизискиот екран, покажуваат резултатите од анкетата спроведена од „Левада-центарот“.

На прашањето „што ви причинува најмногу задоволство во животот? 34% од испитаниците рекле дека сакаат да гледаат телевизија, 26% дека сакаат да добиваат пари, 24% да го поминуваат времето со своите деца, додека уште 24% меѓу задоволствата ја издвои добрата храна. Потоа следат патувањата, книгите, музиката и љубовта. Во анкетата учествуваа 1600 испитаници.

Не сите беа воодушевени од овие резултати. „Каква овца морате да бидете за да изјавите дека гледањето телевизија е вашата омилена активност!“, напиша интернет корисникот andreas.globetrotter.

Друг корисник под името Граѓанин на Русија вели: „Оние кои читаат книги секогаш ќе владеат со оние кои гледаат телевизија. Паметните секогаш владеат со будалите“.

„Јас дури и немам телевизор. И не се хранам во ресторани. ОК, некако ќе живеам без задоволства. Животот е многу интересен и без нив“, напиша sm59.

Прочитајте повеќе: На Русите за среќа им се потребни 184000 рубли (околу 2668 евра) месечно

При користење на материјалите на Russia Beyond задолжителен е хиперлинк до изворот од кој е преземен материјалот.