Сплав-ресторан полн со луѓе се одвои од брегот на Волга и заедно со мразот отплови по реката

YouTube
Во Самара на Волга два сплава се откачија од брегот и заедно со мразот отпловија низводно.

Како што се соопштува од филијалата на ЦСКА во Самара, едниот сплав припаѓа на ова спортско друштво, а другиот на ДОО „Ековолга“.

Во моментот кога се откачи пловилото во ресторанот имаше многу луѓе. Меѓутоа, во операцијата за спасување двата брода кои за таа цел беа ангажирани успешно ги довлекоа сплавовите до брегот, така што никој не беше повреден.

На брегот на Волга насобраните граѓани внимателно го следеа ненадејното патешествие на „Старото пристаниште“ и објавуваа фотографии и видеоснимки на социјалните мрежи.

Од службата за односи со јавноста на ЦСКА Самара велат дека причина за инцидентот можело да биде тоа што мразот што се движеше по површината на реката низводно налетал на леден чеп што го формирало пловилото на „Ековолга“. Везовите не издржале и сплавот запловил по реката.

Погледнете го видеото: Необичен рафтинг на одвоена санта мраз во Русија

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе